سەرۆك بارزانی له‌ په‌یامێكدا، سەرەخۆشی لە خانەوادەی هونەرمەند سەعید گاباری دەکات و ده‌ڵێت: "لەدەستدانی سه‌عید گابارى خەسارەتێکی گەورەیە".

ئه‌مڕۆ دووشه‌ممه‌ 4/5/2020، سه‌رۆك بارزانى په‌یامێكى سه‌ره‌خۆشى بڵاو كرده‌وه‌ و گوتی: "به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی هونەرمەندی شۆڕشگێڕ و ناوداری گەلەکەمان، سەعید گاباریمان پێگه‌یشت".

هه‌ر له‌ په‌یامه‌كه‌دا سه‌رۆك بارزانى ئاماژه‌ى به‌وه‌ش داوه‌: "ئەو هونەرمەندە هەموو ژیانی خۆی بۆ خزمەتی هونەری ڕەسەنی کوردی و دۆزی ڕەوای گەلەکەی تەرخان کرد و لەدەستدانی خەسارەتێکی گەورەیە".


ده‌قى په‌یامه‌كه‌ى سه‌رۆك بارزانى:

بەناوی خودای مەزن و دلۆڤان

خانەوادەی بەڕێزی هونەرمەند سەعید گاباری

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی هونەرمەندی شۆڕشگێڕ و ناوداری گەلەکەمان، سەعید گاباری ـمان پێگه‌یشت.

ئەو هونەرمەندە هەموو ژیانی خۆی بۆ خزمەتی هونەری ڕەسەنی کوردی و دۆزی ڕەوای گەلەکەی تەرخان کرد و لەدەستدانی خەسارەتێکی گەورەیە. سه‌ره‌خۆشی له‌ خانەوادە تێکۆشەرەکەتان و تەواوی خزم و ئاشنایانتان و هونەرمەندانی کوردستان دەكەین و خۆمان بە ھاوبەشی خەمتان دەزانین.

‌لە‌ خوای گه‌وره‌ داواکارین گیانی هونەرمەندی کۆچکردوو بخاتە بەر ڕەحمەتی خۆی و ئۆقرەیی و ئارامییش بەھەموولایەك ببه‌خشێت .

انا للە وانا الیە راجعون

مسعود بارزانی
٤ـی٥ـی٢٠٢٠









باسنيوز