ئەمڕۆ شاندی حكومەتی ھەرێمی كوردستان، كە چەند رۆژێك لەمەوبەر سەردانی بەغدای كردبوو، لەگەڵ دەستەی سەرۆكایەتی پەرلەمان و سەرۆكی فراكسیۆنەكانی پەرلەمانی كوردستان كۆدەبنەوە و ئەنجامی گفتوگۆكانیان لەگەڵ بەرپرسانی بەغدا دەخەنەڕوو.

جەمال حەوێز، سەرۆكی فراكسیۆنی یەكێتی لە پەرلەمانی كوردستان راگەیاند: "لەگەڵ شاندی حكومەت كۆدەبینەوە لەبارەی سەردانەكەیان بۆ بەغدا، ئێمە پێمان باشە لەگەڵ بەغدا بگەینە ئەنجام بەپێی ئەو رێككەوتنەی كە پێشتر لەنێوانمان ھەبووە، بەتایبەتی ئێستا بەھۆی لێكەوتەكانی كۆرۆنا گوزەرانی خەڵك باش نییە".

گوتیشی: "ئەگەر بەغدا شایستە داراییەكانی ھەرێمی كوردستان نەنێرێ، لە دادگای فیدراڵی سكاڵا تۆمار دەكەین، چونكە ئەوە زوڵمە لە خەڵكی كوردستان دەكرێت".






K24