قایمقامێ شنگال داخوازیەكێ ئاراستەی كاندیدێ پێكئینانا حكومەتا عێراقێ دكەت
مەحما خەلیل، قایمقامێ قەزا شنگال وئەندامێ خولا بەرێ یێ جڤاتا نوونەرێن عێراقی دیار كر كو: "ئەم هەولێن بەردەوام داینە بۆ ئاسایێكرنا ژیانێ ل قەزا شنگال نۆكە ژی مە نامەكا داخوازیان بۆ دەرخستنا پەكەكێ ژناڤ شنگال ئاراستەی سەرۆكێ راسپاردی یێ ئەنجومەنێ وەزیرێن عێراقی كریە هەكە هات حكومەتێ پێك بینت دناڤ بەرنامێ حكومەتا خوە دا پەكەكێ ژ ناڤ ئاخا شنگال دەربێخت و مە وەكو ئەندامێن خۆلا بۆری یێن پەرلەمانێ عێراقی ئەڤ نامە ژی ئاراستەی مستەفا كازمی كریە داكو خەلكێ شنگال بشێن ڤەگەرن وئاڤەدانیێ ل شنگال بهێتە كرن".
خۆیا ژی كر كو: "رەوشا شنگال زۆر خرابە و مەترسی لسەر ژیانا خەلكێ شنگال هەیە لەورا نەشێن ڤەگەرن وئاوارێن شنگال نە ژبەر ئاڤەدانیێ ناڤەگەرن بەلكو ژبەر نەبوونا تەناهی ونەبوونا ئیدارا شەرعی ل شنگال نەشێن ڤەگەرن".
باسنيوز
