بەیانیی ئەمڕۆ دووشەممە فڕۆکە جەنگییەکانی تورکیا بە بیانووی بوونی پارتی كرێكارانی كوردستان (PKK) بەرزاییەکانی چیای "دڕەبی"ان لە سنووری ناحیەی وەرتێ‌ بۆردومان كرد و زیانی گیانیی بۆ هاووڵاتیانی سڤیل نەبووە.

لەمبارەوە موسلیح زرار، بەڕێوەبەری ناحیەی وەرتێ سەر بە قەزای ڕواندز رايگەیاند: "بەیانی ئەمڕۆ دووشەممە 20/4/2020 بە بیانووی بوونی پارتی كرێكارانی كوردستان (پەكەكە) لە ناوچەكەدا، فڕۆكە جەنگییەكانی سوپای توركیا، بۆ جارێكی دیكە بەرزاییەكانی شاخی "دەڕەبی"یان لە نێوان (زینی وەرتێ‌ و زارگەڵی) بۆردومان كردووە".

ئەوەشی ئاشكرا كرد: "ئەو بۆردومانەی فڕۆكە جەنگییەكانی توركیا، زیانیگیانیی بۆ هاووڵاتیانی سڤیل نەبووە، سەبارەت بە زیانەكانی (پەكەكە)ش تائێستا دیار نییە ئایا زیانی گیانی ئەوانی هەبووە یان نا".










باسنیوز