له ئێران ههزار و 374 كهسى دیكه تووشى كۆرۆنا بوون
ئهمڕۆ شهممه 18/4/2020، د. کیانووش جەهانپوور، گوتەبێژی لێژنەی بەرەنگاربوونەوەی کۆرۆنا لە ئێران له پرێس كۆنفرانسێكدا باسى لهوه كرد، لە دوێنێ ههینییهوه تا ئەمڕۆ لە سەرانسەری ئێران 73 كهسى دیکە بەهۆی پهتای کۆرۆناوە گیانیان لەدەست داوە، كه كۆى گشتیی ئهو كهسانهى گیانیان لهدهست داوه، پێنج ههزار و 31 كهسه.
گوتەبێژی لێژنەی بەرەنگاربوونەوەی کۆرۆنا لە ئێران ئهوهشى خسته ڕوو، له دوێنێوه تا ئهمڕۆ، ههزار و 374 كهسى دیكه تووشى كۆرۆنا بوون، كه كۆى گشتیی تووشبوانى پهتاكه له ئێران 80 ههزار و 868 کەسه.
بە گوتەی ئەو بەرپرسە ئێرانییە، تا ئێستا 55 ههزار و 987 کەس لە پهتاى کۆرۆنا چاک بوونەتەوە.
باسنيوز
