پارێزگاری هەڵەبجە چەند رێوشوێنێکی نوێی بۆ هاتووچۆی هاونیشتمانیان راگەیاند، لەنێویاندا هاتووچۆی تەکسی کە لە کاژێر 6ی بەیانی تاوەکو کاژێر 6ی ئێوارە رێگەپێدراو دەبێت، ئەمەش بەپێی ئەو رێوشوێنانەی کە قایمقامیەتی ناوەند بۆیان دیاریدەکات.

لە راگەیێندراوێکدا کە ئیمزای ئازاد تۆفیق، پارێزگاری هەڵەبجە و سەرۆکی ژووری ئۆپەراسیۆنەکانی پارێزگاکەی لەسەرە ئاماژە بەوە کراوە "دوکانی وشکەفرۆش، فیتەر، رۆنگۆڕ، کارەبایی، ئەلکتۆرنی و جلوبەرگ دەکرێنەوە، لە کاژێر 6ی بەیانی بۆ کاژێر 2ی پاشنیوەڕۆ، بەمەرجێک پابەندبن بە رێنماییە تەندروستییەکان و لیژنە هاوبەشەکانی قائیمقامیەتەوە".

هەر لە راگەیێندراوەکەدا هاتووە، چێشتخانە و کەبابخانەکان تەنها دەتوانن بەشێوەی دیلیڤەری/گەیاندن لە کاژێر 6ی بەیانی بۆ کاژێر 2ی پاشنیوەڕۆ کراوەبن و پابەندی رێنماییەکان بن.









رووداو