وەزارەتی تەندروستیی حکوومەتی هەرێمی کوردستان پێشنیازی وەزارەتەکەی لەبارەی قەدەغەی هاتوچۆ ئاشکرا کرد و رای گەیاند کە هیچ هاوکارییەکی راستەوخۆی داراییان لە لایەن ڕێکخراوی تەندروستیی جیهانییەوە پێ نەگەیشتووە.

ئەمڕۆ پێنجشەممە ١٦ی نیسانی ٢٠٢٠، د. سامان بەرزنجی، وەزیری تەندروستیی حکوومەتی هەرێمی کوردستان له‌ پرێس كۆنفرانسێكدا ئاشکرای کرد، داوایان کردووە قەدەغەی هاتوچۆ بە ئاسانکاریی نوێوە درێژ بکرێتەوە.

ڕوونیشی کردەوە کە داواکارییەکانیان رادەستی وەزارەتی ناوخۆ کردووە و لە ئایندەیەکی نزیکدا بڕیاری پێویست لەمبارەیەوە دەدرێت.

لەبارەی هاوکارییەکانی ڕێکخراوی تەندروستیی جیهانیش، وەزیری تەندروستی رای گەیاند: ”تائێستا رێکخراوەکە هیچ هاوکارییەکی دارایی راستەوخۆی نەکردووین، تەنیا بە راهێنان و هەروەها چەند کەلوپەلێکی وەک ماسک و پێویستیی دیکەی پزیشکی هاوکارییان کردووین“.







باسنیوز