گوتەبێژی پۆلیسی هاتۆچۆی هەولێر ڕای گەیاند لە سەرەتای بڕیاری قەدەغەكردنی هاتۆچۆ لە شاری هەولێر هەتا ئێستا نۆ هەزار و 982 بەڵگەنامەی شۆفێری دەستی بەسەردا گیراوە.

موقەدەم فازڵ حاجی، گوتەبێژی پۆلیسی هاتۆچۆی هەولێر ڕايگەیاند: "دوای ئەوەی حكومەتی هەرێمی كوردستان بەهۆی بڵاو بوونەوەی پەتای كۆرونا بڕیاری قەدەغەكردنی هاتۆچۆی ڕاگەیاند: "ئێمەش تیمەكانمان لە بەرێوبەرایەتیی هاتۆچۆی هەولێر ئەركی خۆمان ئەنجام داوە و لەم ماوەیەدا سەڕەڕای ئەوەی كە هاووڵاتیان پابەند بوون بە ڕێنماییەكان، لەگەڵ ئەوەشدا هەندێك لە هاووڵاتیان بەدەر نەبوون لە سەرپێچیكردن"".

راشی گەیاند: "لە سەرەتای دەستپێكردنی بڕیاری قەدەغە كردنی هاتۆچۆ هێزەكانمان لە بەڕێوبەرایەتی هاتۆچۆی هەولێر توانیویانە دەست بەسەر نۆ هەزار و 982 بەڵگەنامەی شوفێریدا بگرن ، هاوکات 325 ئۆتۆمبێل و 112 ماتۆر سكیلیش دەستی بەسەردا گیراوە".










باسنيوز