ئه‌و نێرگه‌لانه‌ی له‌لایه‌ن لیژنه‌ هاوبه‌شه‌كانی قائیمقامیه‌تی سلێمانیه‌وه‌ ده‌ستی به‌سه‌ردا گیراوه‌ به‌فه‌رمانی قائیمقامی سلێمانی له‌نێوده‌برێت.

بەپێی راگەیاندراوێکی قائیمقامیەتی سلێمانی تێیدا ئاماژە بەوەکراوە کە پاش ئه‌وه‌ی له‌لایه‌ن ژووری ئۆپەراسیۆنه‌كانی خۆپارێزی له‌ ڤایرۆسی كۆرۆنا له‌ شاری سلێمانی بڕیار به‌ داخستنی كافتریاكان و نه‌كردنه‌وه‌یان تا كاتێكی نادیار درا، چه‌ند كافتریایه‌ك سه‌رپێچییان له‌بڕیاره‌كه‌ كردووه‌ و شوێنه‌كانین كردووه‌ته‌وه‌ و نێرگه‌له‌یان پێشكه‌ش به‌ میوانه‌كانیان كردووه‌، بۆیه‌ له‌لایه‌ن لیژنه‌ هاوبه‌شه‌كانه‌وه‌ ده‌ست به‌سه‌ر 70 قاعیده‌ی نێرگه‌له‌ كێشاندا گیراوه‌.

روونیشکراوەتەوە، کە ئه‌مڕۆ سێشه‌ممه‌ 14/4/2020، به‌فه‌رمانی قائیمقامی سلێمانی سه‌رجه‌م ئه‌و قاعیده‌ی نێرگه‌لانه‌ی ده‌ستیان به‌سه‌ردا گیراوه‌ له‌ ناوچه‌ی تانجه‌رۆی شاری سلێمانی له‌نێوده‌برێن.











باسنيوز