نیوەڕۆی ئەمڕۆ پێنجشەممە لە سنووری شارۆچكەی "گولاڵە"ی سەر بە شاری خانەقین، لە ئاكامی تەقینەوەی بۆمبێکی چێندراو چوار جووتیار بوونە قوربانی.

یەعقووب یوسف، بەڕێوەبەری شارۆچكەی گولاڵە، رايگەیاند: "نزیك كاتژمێر 12ی ئەمڕۆ پێنجشەممە 9/4/2020)، لە ئاكامی تەقینەوەی بۆمبێکی چێندراو لە كیڵگەی كشتوكاڵی گوندێكی سنوری شێخ باوە و جەلەولا كە بە "ئوم حونتە" ناسراوە، دوو جووتیار گیانیان لەدەست داوە و دوو جووتیاری تریش بریندار بوون."

گوتیشی: "هێزی ئەمنی چوونەتە ناوچەكە و لێكۆڵینەوە دەستی پێ كردووە."

ئەو تەقینەوە لە كاتێكدایە داعش لە ناوچەكە بە شێوەی بەرچاو دەركەوتووەتەوە.











باسنيوز