به‌ڕێوه‌به‌ری هۆبه‌ی پشكنین و به‌دواداچوون له‌ به‌رێوه‌به‌رایه‌تیی ته‌ندروستیی هه‌ولێر، باس له‌ سه‌رجه‌م ئه‌و ڕێكارانه‌ ده‌كات، كه‌ بۆ داخستن و وه‌رگرتنی ڕێكاری توند له‌دژی ئه‌و شوێنانه‌ی پابه‌ندی ڕێنوێنییه‌كان نه‌بوون، گیراونه‌ته‌ به‌ر.

هه‌كار مزووری، به‌ڕێوه‌به‌ری هۆبه‌ی پشكنین و به‌دواداچوون له‌ به‌رێوه‌به‌رایه‌تیی ته‌ندروستیی هه‌ولێر ڕاىگه‌یاند: "له‌ماوه‌ی یه‌ك مانگدا 208 پشكنینمان له‌ شاری هه‌ولێر بۆ ماركێت، نۆرینگه‌ پزیشكییه‌كان، ده‌رمانخانه‌ و نه‌خۆشخانه‌ ئه‌هلییه‌كان كردووه‌ 61 شوێنمان داخستووه‌، ئه‌وانیش له‌سه‌ر گرانفرۆشی به‌تایبه‌ت ماسك و مه‌وادی پاككردنه‌وه‌ و پێداویستی خواردن، له‌ نه‌خۆشخانه‌ ئه‌هلییه‌كانیش چه‌ند شوێنێكمان داخستووه‌ كه‌ پێشووتر داوامان كردووه‌ له‌ %25 داشكاندن بكه‌ن، كه‌چی پابه‌ند نه‌بوون".

گوتیشی: "مۆڵه‌كانیش غه‌رامه‌ كراون به‌شێكیان به‌برى شه‌ش ملیۆن دینارى عێراقى غه‌رامه‌ كراون، له‌ به‌حركه‌ش زۆربه‌ی ده‌رمانخانه‌كانمان داخست و چه‌ند دانه‌یه‌كمان هێشته‌وه‌".

هه‌كار مزوورى ئه‌وه‌ش خسته‌ ڕوو، به‌رده‌وامن له‌سه‌ر پابه‌ندكردنی ئه‌و شوێنانه‌ی نایانه‌وێت پابه‌ندبن و به‌پێی رێنماییه‌كان نابێت نۆرینگه‌ی پزیشكی بكرێته‌وه‌ نۆرینگه‌ی پزیشكی زۆر داخراون.











باسنیوز