گوتەبێژی فەرمانگەی تەندروستیی کەرکووک ئاماری توشبوان بە پەتای كۆرۆنای لە شارەکە ڕاگەیاند و ئاشکرای کرد لەکۆی 21 کەس 10 کەسیان چاک بوونەتەوە.

ئەمڕۆ سێشەممە 7/4/2020، سامان یابە، گوتەبێژی فەرمانگەی تەندروستیی كەركووك، ڕایگەیاند: "كۆی گشتیی ژمارەی توشبوانی بە پەتای كۆرۆنا لە شاری كەركووك لە سەرەتای مانگی رابردووەوە تا ئێستا، گەیشتووتە 21 كەس و لەناویاندا 10 كەسیان چاك بوونەوە و ڤایرۆسەكە لە گیانیاندا نەماوە و ئێستاش 11 كەسی دیكەیان ماونەتەوە لە نەخۆشانە و یەك حاڵەتی مردنشیمان هەر بەهۆی ئەو ڤایرۆسەوە هەبووە”.

گوتیشی: "توشبوانی پەتای كۆرۆنا لە كەركووك، لەژێر چاودێریی وردی پزیشكیدان، هەروەها بەردەوامیش پشكنین بۆ گومانلێكراوەكان بەو ڤایرۆسە دەكرێت".












باسنیوز