وەزارەتی تەندروستیی حکوومەتی هەرێمی کوردستان پێنج حاڵەتی تازەی تووشبوونی بە پەتای کۆرۆنا لە پارێزگای هەولێر راگەیاند.

کەمێک لەمەوبەر (٧ی نیسانی ٢٠٢٠)، وەزارەتی تەندروستیی حکوومەتی هەرێمی کوردستان رای گەیاند، لە بەردەوامی پشکنینەکان و گەڕان بەدوای گومانلێکراوان، پێنج تووشبووی ڤایرۆسی کۆڕۆنای نوێ (COVID-19) لە شاری ھەولێر دەستنیشان کران.

ئەوەش روون کراوەتەوە، تووشبووەکان ئافرەتێكە لە گوندی کانی گەلی، دوو ئافرەت و پیاوێك و منداڵێکن لە گەڕەکی ٩٤ی باداوە، ھەموویان بەرکەوتەی تووشبووەکانی ھەردوو پرسەی ماتەمینیی گەڕەکی کارێزانی شاری ھەولێرن.

تا ئێستا لە هەرێمی کوردستاندا ٢٨٥ کەس تووشی پەتای کۆرۆنا بوون و زیاتر لە ١٠٠ کەس چاکبوونەتەوە و ٣ حاڵەتی مردنیش هەیە.










باسنیوز