وەزارەتی ناوخۆی هەرێمی کوردستان لە راگەیێندراوێکدا دەڵێت بۆ ماوەی 48 کاژێر هاتووچۆی ئۆتۆمبێل و پیادە بەتەواوی قەدەخە دەکرێت و هەرکەس سەرپێچی بکات سزادەدرێت.

بڕیارەکەی وەزارەتی ناوخۆ لە کاژێر 12:00ـی نیوەڕۆی رۆژی 4-4-2020 جێبەجێدەکرێت.

لە بڕیارەکەی وەزارەتی ناوخۆدا کە ئەمڕۆ 3-4-2020 دەرچووە، هاتووە، "گشت مارکێت و نانەواخانەکان و ئەو شوێنانەی بۆ خزمەتی هاووڵاتییان رێگەپێدراون، دادەخرێن جگە لە دەرمانخانەی ئێشکگر کە کراوە دەبێت.

لەبارەی دابەشکردنی مووچە، لە بڕیارەکەی وەزارەتی ناوخۆدا ئاماژە بەوە کراوە، دابەشکردنی مووچە بەردەوام دەبێت بەمەرجێک وەزارەت و فەرمانگە پەیوەندیدارەکان پێویستە پێشوەختە هەماهەنگی تەواو لەگەڵ ژووری ئۆپەراسیۆنەکان بکەن و لەکاتی وەرگرتنی مووچە مەودای دوو کەس لە دوو مەتر کەمتر نەبێت.

وەزارەتی ناوخۆ دەڵێت بڕیارەکان بۆ رێگرتنە لە بڵاوبوونەوەی زیاتری ڤایرۆسی کۆرۆنا، هەر کەسێک سەرپێچی بکات دەستگیردەکرێت و ئۆتۆمبێلەکەی دەستی بەسەردا دەگیرێت.









رووداو