ل سنورێ‌ ناحیا كانی ماسێ‌ یا سەر ب قەزا ئامێدیێ‌ ڤە ل سنورێ‌ پارێزگەها دهۆكێ‌، ژ درەنگە سپێدەهیا ئەڤرۆ تا ئەڤی دەمی پێلەكا بەفر بارینێ‌ باریە و تا نها ل هند گوندێن ئەوێ‌ دەڤەرێ‌ بەردەوامە.

ئەحمەد ئەدنی، ئێك ژ خەلكێ‌ ناحیا كانی ماسێ‌ یە سەر ب قەزا ئامێدیێ‌ د داخویانیەكێ‌ دا گوت: "دەما(2) رۆژا یە ل سنورێ‌ ناحیا كانی ماسێ‌ باران بارین بەردەوامە لێ‌ د دەما(24) دەمژمێرێن بوری دا هەر ژ شڤێدی تا درەنگە سپێدەهیا ئەڤرۆ رۆژا دووشەمبی ، پێلەكا بەفر بارینێ‌ سەر ب دەڤەرا مە دا هاتیە خوار و گوت ژی: ل سەنتەرێ‌ ناحیا كانی ماسێ‌ ژی بەفر باریە".

هەمان كەسی ئەو چەندە ژی دا دیاركرن: "هەر سال تا ئەڤی دەمی بەفر ل دەڤەرا بەرواری بالا ل سنورێ‌ قەزا ئامێدیێ‌ دباریت و ئەڤ بەفرە ل ئەڤێ‌ دەڤەرێ‌ خودان ناڤە و ل سەنتەرێ‌ ناحیا كانی ماسێ‌ یا سەر ب قەزا ئامێدیێ‌ ڤە(5) سەنتیمەتێن بەفرێ‌ و (38 ملیمێن بارانێ‌ د دەما(24) دەمژمێرێن بوری دا بارینە د هەمان دەم دا ل گوندێن (بناڤیێ‌ و هدێنە) (10) سەنتیمەترێن بەفرێ‌ بارینە و ل هند گوندان پتر هند گوندێن دیتر بەفر دباریت ژ بەر جوگرافیا دەڤەرێ‌ و ل دەڤەرا مە ئەڤ بەفرە ب بەفرا(هەلزێ‌) بەرنیاسە كو هەر سال ل ئەڤێ‌ هەیڤا ئادارێ‌ دا دباریت".










باسنيوز