رێڤەبەرێ ساخلەمیا ئامێدیێ: هەوەكا رەشاندنا دەرمانی ل قەدشێ دهێتە ئەنجامدان
د. شاكر عەبدولعەزیز، رێڤەبەرێ ساخلەمیا ئامێدیێ دیاركر كو:" پشتی حالەتەكێ پۆزەتیڤ یێ كۆرۆنا ل قەدشێ هاتیە دەستنیشانكرن مە دەست ب رێكاران كریە و هژمارەكا وەلاتیێن دی هاتینە كەرەنتیكرن ب تایبەتی ژی ئەوێن تووشبووی تێكەلی دگەلدا هەین و دێ هەوەكا بەرفرەه یا رەشاندنێ ل جادا سەرەكیا قەدش وئامێدیێ وسەرسنگێ پێكڤە گرێدەت،، هێتە ئەنجامدان. هەروەسا ژی نۆكە هەموو خەلكێ كۆمەلگەها قەدشێ دمالێن خوە دا وەكو كەرەنتیكرنێ بۆ وان هاتیە دان".
ئاشكەرا كر كو: "دێ هەوەكا كۆمكرنا نموونێن هندەك كەسێن دی ژی هێنە ئەنجام دان بۆ زێدەتر پشتراستبوونێ ژ سلامەتیا خەلكێ كۆمەلگەها قەدشێ. بەلێ ئەم هیڤیدارین هەموو وەلاتی د مال دا بمینن، ژبەركو هەكە خەلك دەركەڤن بێگومان مەترسی دێ هەبیت لەورا ئەم هێڤیدارن خەلك پێگیریێ ب رێنمایێن ساخلەمیێ بكەن".
باسنيوز
