ل دهۆكێ 91 كهس و 159 ترۆمبێل هاتنه دهستهسهركرن
لیوا تارق ئهحمهد، رێڤهبهرێ گشتى یێ پولیسێن پارێزگهها دهۆكێ د داخویانیهكێ دا دیاركرن: "د بهردهوامیا ههوا قهدهغهیا هاتن و چوونێ دا ل سهرانسهرى پارێزگهها دهۆكێ، ههوا قهدهغهیێ بهردهوامه و د ههمان دهم دا پولیسێن مه بو دهما 24 دهمژمێران بێ راوهستیان د ئهركێ خو دا نه، ههر چهنده پتریا خهلكى پێگیره ب رێنمایان لێ تا نها 100% خهلك پێگیر نهبویه و بتنێ (80%) خهلك پێگیره و ئهم یێ ههول ددهین 20% یا نه پێگیریا خهلكى ژى نهمینیت".
رێڤهبهرێ گشتى یێ پولیسێن پارێزگهها دهۆكێ ئهو چهنده ژى گوت:" نوكه دا مه سزایێن خو بهرامبهر خهلكى دژوار كرینه و ل سهرانسهرى پارێزگهها دهۆكێ ژ لایێ پولیسێن مه ڤه 159 ترۆمبێل دهستهسهر كرینه، 91 كهسیش ل سهرانسهرى پارێزگهها دهۆكێ ژى هاتنه دهستهسهركرن"، گوت ژى: "ئهڤ كهسێن هاتینه دهستهسهر كرن دێ ههمى پێرابونێن یاسایى بهرامبهر وان هێنه ئهنجام دان و ئێك ژ سزایان بو وان كهسان ئهوێن پێگیر نهبن لدیڤ یاسایێ ماف ههیه، كهسێ سهرپێچیێ ئهنجام بدهت بو دهما شهش ههیڤان ژى یێ دهستهسهر كرى بیت لێ بهراهیا ههر تشتى ئهم ههولا وێ چهندێ ددهین ب شێوازهكێ جوان و سهرهدهریهكا باش خهلكى خو تێبگههینین، لێ ئهگهر نهچار كرین دێ پێرابونێن یاسایێ بهرامبهر وان ههمو كهسان ئهنجام دهین".
رێڤهبهرێ گشتى یێ پولیسێن پارێزگهها دهۆكێ دوپاتكر ژى: "د پلانا مه دا ههیه ل رۆژێن بهێت رێكارێن توند و دژوار تر بهرامبهر وان كهسان ئهنجام بدهین، ئهوێن سهرپێچیا یاسایێ دكهن و ههر كهسهكێ هاتن و چوونا پیاده ئهنجام بدهت، بهراهیێ ئهم داخازێ ژێ دكهین ژ مال دهرنهكهڤن لێ ئهگهر دوباره بكهن ل وى دهمى نهچار دبین ههمو پێرابونێن یاسایێ بهرامبهر ئهنجام بدهین و بو ههر كاودانهكێ نه چاڤهرێكرى مه وهكه پولیسێن پارێزگهها دهۆكێ ههماههنگى دگهل ههمو هێزێن ئێمناهیێ و پێشمهرگهى ههیه، دێ شێن ههمو پێرابونان ئهنجام دهین و ژ خهلكى دخازین پێگیر بن ب رێنمایێن مه تا كو ئهڤ رهوشا ههستیار ب سهر مللهتێ مه وپارێزگهها مه دا دهرباز دبیت".
باسنیوز
