ئه‌مڕۆ چوارشه‌ممه‌ 25/3/2020، وه‌زاره‌تى ته‌ندروستیی حكوومه‌تى هه‌رێمى كوردستان له‌ ڕاگه‌یاندراوێكدا ئاماژه‌ى به‌وه‌ دا، دوو حاڵه‌تی نوێى تووشبوون به‌ ڤایرۆسى كۆرۆنا له‌ هه‌ولێر تۆمار كراون، هه‌ردووكیشیان پیاون و ته‌مه‌نیان 35 ساڵه‌.

به‌پێى زانیارییه‌كان ئه‌و دوو حاڵه‌ته‌ نوێیه‌ به‌ركه‌وتنیان له‌گه‌ڵ تووشبووه‌كانى پێشوو نه‌بووه‌ و سه‌ردانى سه‌نته‌رى چاره‌سه‌رى كۆرۆناى هه‌ولێریان كردووه‌ و پشكنینى ڤایرۆسه‌كه‌یان ئه‌نجام داوه‌ و ده‌ركه‌وتووه‌ تووشى ڤایرۆسه‌كه‌ بوونه‌.

هه‌ر به‌پێى زانیارییه‌كان، یه‌كێك له‌ تووشبووه‌كان دانیشتووى شاوێسه‌ و كه‌سوكاره‌كه‌ى ده‌خرێنه‌ دابڕگه‌ى پزیشكییه‌وه‌، ئه‌وه‌ى دیكه‌ش خه‌ڵكى گوندى (گاینجى سه‌روو)ه‌، ته‌واوى گونده‌كه‌ش كه‌ره‌نتین ده‌كرێ.

به‌پێى دوایین ئاماره‌كانى وه‌زاره‌تى ته‌ندروستى، تا ئێستا 99 حاڵه‌تى تووشبوون به‌ ڤایرۆسى كۆرۆنا له‌ هه‌رێمى كوردستان تۆمار كراون.








باسنیوز