کۆمەڵێک پزیشک و ھاووڵاتیی سنووری ئیدارەی ڕاپەڕین داواکارییەک ئاراستەی سەرپەرشتیاری ئیدارەی ڕاپەڕین دەکەن کە ھەوڵەکانیان بۆ تەواوکردنی نەخۆشخانە (٢٩١) قەڕەوێڵییەکەی ڕانیە چڕتر بکەنەوە کە دەتوانرێت بۆ زۆربەی حاڵەتە نەخوزاراوە تەندروستییەکان پشتی پێ ببەسترێت.

لەو داوکارییەی ئەو پزیشک و ھاووڵاتییانەدا کە ئاراستەی سەرپەرشتیاری ئیدارەی ڕاپەڕین کراوە، ھاتووە: "لەسەروبەندی بڵاوبوونەوەی ڤایرۆسی کۆڕۆنا (کۆڤید ۱۹) داواتان لێ دەکەین نەخۆشخانەی (٢٩١) قەرەویڵەیی ڕانیە کە چەند ساڵە بیناکەی دروست کراوە و بەجێ ھێڵدراوە، تەواو بکەن چونکە جێگا و شوێنێکی ستڕاتیجی ھەیە و ژووری تەواو پێویستی تێدایە بۆ خزمەتکردنی ھاووڵاتییان لە کاتی ھاتنەپێشەوەی نەخۆشی و پەتا و حاڵە تەندروستییەکانی دیکە".

بەپێی زانیارییەکانی ناو داواکارییەکە، نەخۆشخانەکە دەتوانێت زیاتر لە ۱۰۰ ئامێری ھەناسەی دەستکرد چەندین و سەنتەر و یەکەی پزیشکی حکومی وەک: (سەنتەری دڵ، سنگ و سییەکان، بۆڕییەکانی خوێن، سووتاوی، چارەسەریی شێرپەنجە، قوڕگ و لووت و گوێ، کۆئەندامی ھەرس، تیشک، ددان، چاو و یەکەی چاودێریی چڕ و چەندین ھۆڵی پێشکەوتووی نەشتەرگەری) لەخۆی بگرێت کە ئێستا ئەو سەنتەر و یەکانە لە ئیدارەکە نین و پێویستییەکی سەرەکین".

داواکاری ئەو پزیشک و ھاووڵاتییانە لە کاتێکدا کە ئەمڕۆ ئیدارەی ڕاپەڕین لەسەر ئەرکی خێرخوازو سەرمایەدارانی سنوورەکە بڕیاری دروستکردنی نەخۆشخانەیەکی تایبەت بە نەخۆشییە گوازراوەکانی لە شارەدێی چوارقوڕنەی سنوورەکە دا".












باسنيوز