سەرۆكێ‌ لقێ‌ دهۆك یێ‌ ئێكەتیا هاوەردە و هنارتنێ‌ دیاركركو رەوشا هاوەردە و هنارتنێ یا هەموو جۆرێن كەرەستێن بازرگانیێ گەلەك باشە و بزاڤا بازرگانیی ل دهۆكێ‌ یا بەردەوامە وهەموو جۆرین كەرەستان دهێنە د ناڤ بازارێ‌دا.

رێبەر ئیبراهیم، سەرۆكێ‌ لقێ‌ دهۆك یێ‌ ئێكەتیا هاوەردە و هنارتنێ‌ دیاركر كو نۆكە بازرگانێن دهۆكێ‌ ب رێیا بەندەرا ئوم قەسر بتایبەتی ژی ژ وەلاتێ سعودی پتر كەرەستان دهێنە ناڤ بازارێ‌ دا و هەتا نۆكە ژی كەرەستێن خۆارن و ڤەخۆارنێ‌ ب رێیا دەرگەهێ‌ سنۆری یێ ئیبراهیم خەلیل بەردەوام دهێنە ناڤ بازارێ‌ دا و ئەم دشێن بێژن رەوشا بازرگانیێ بۆ بازرگانان نۆكە گەلەك باشتر بوویە ژبەری نۆكە چونكو گەلەك داخوازی لسەر كرینا كەرەستان هەیە وبەردەوام بازرگان یێ‌ كەرەستێن هەمە جۆر یێن بازرگانی ژ دەولەتان دهێنینە ناڤ بازارێ‌ دا. راستی ژی رەوشا بازرگانیێ باشتر بوویە".

خۆیا ژی كر كو كۆگایێن بازرگانێن دهۆكێ‌ دپرن ژكەرەستێن خۆارنێ‌ و ڤەخۆارنێ‌ هەكە هەموو رێك ژی بهێنە گرتن تێرا پێنچ هەتا شەش هەیڤان كەرەستێن خۆارنێ‌ و ڤەخۆارنێ‌ دناڤ كۆگایێن بارزگانێن دهۆكێ‌ دا هەنە".












باسنيوز