ستیڤن فەیگن، کونسوڵی گشتی ئەمەریکا لە هەرێمی کوردستان لەبارەی ڤایرۆسی کۆرۆناوە پەیامێک بڵاودەکاتەوە و دەڵێ ئەگەر رێککارەکان بە دروستی جێبەجێ بکرێن بارودۆخەکە تەنیا چەند هەفتەیەک دەخایەنێ.



کونسوڵی گشتی ئەمەریکا لە هەرێمی کوردستان پەیامەکەی لەلاپەڕەی خۆی لە تۆڕی کۆمەڵایەتیی فەیسبووک بڵاوکردووەتەوە و نووسیویەتی" تکایە ھەموو لایەک لە پەیوەندییە کۆمەڵایەتییەکانتان لە یەک دوور بوەستن، ئەمە تاکە ڕێگەی کاریگەرە بۆ کەمکردنەوەی مەترسی بڵاوبوونەوەی ڤایرۆسی کۆرۆنا".



دەشڵی: " بەرپرسانی کوردستانی عێراق ھەندێک ڕێکارێ تووندیان گرتووەتە بەر چونکە دەزانن ئەگەر نەخۆشییەکە بڵاوببێتەوە چ دەرھاوێشتەیەکی کارەساتباری دەبێت. ئەمەریکییەکان و ئەوانی دیکەش دەتوانن ھەمان کار بکەن، ئەم ڕێککارانە ئەگەر بە دروستی جێبەجێ بکرێن بارودۆخەکە تەنیا چەند ھەفتەیەک دەخایەنێت، نەوەک چەند مانگ یا چەند ساڵێک".








باسنيوز