قائیمقامی سلێمانی پەیامێک ئاراستەی ھاوڵاتیانی سلێمانی دەکات و داوایان لێدەکات بۆ رێگرکردن لە بڵاوبوونەوەی ڤایرۆسی کۆرۆنا پابەندی ئەو بڕیارو رێنماییەکان بن.

ئاوات محەمەد، قائیمقامی سلێمانی لە پەیامێکیدا کە تێیدا داوا لە ھاووڵاتییانی سلێمانی دەکات چەند دەکرێت لە ماڵەکانیان بمێننەوەو بۆ کاری زۆر پێویست نەبێت نەیەنەدەر و خۆیان بەدووربگرن لە شوێنە گشتییەکان.

دەشڵێت: "لە قۆناخێکی زۆر ھەستیارداین و داواش لەھاووڵاتییان دەکات بەھۆی ھەستیاری دۆخەکەوە و بۆ پاراستنی تەندروستیتان خۆتان بپارێزن لە قەرەباڵغی و تێکەڵبوونی بە کۆمەڵی خەڵک و مەچنە پرسەو شوێنە گشتییەکان".

هەروەها قائیمقامی سلێمانی داواش لە هاووڵاتییان دەکات بۆ رێگرکردن لە بڵاوبوونەوەی ڤایرۆسی کۆرۆنا بەتەواوی پابەندی ئەو بڕیارو رێنماییانەبن کە لەلایەن دامەزراوەکانی حکوومەتەوە راگەیەندراوە.











باسنیوز