بەڕێوەبەرایەتیی گشتیی تەندروستیی گەرمیان، داوا لە هاووڵاتییان دەکات، بۆ خۆپاراستن له‌ ڤایرۆسى كۆرۆنا، خۆیان لە قەرەباڵغی بەدوور بگرن.

بەڕێوەبەرایەتیی گشتیی تەندروستیی گەرمیان، لە ڕاگەیەندراوێکدا، ڕای گەیاندووە: "لەپاش داخستنی هۆڵی پرسەکان وەک ڕێکارێکی خۆپارێزی و پێشگیری لە بڵاوبوونەوەی ڤایرۆسی کۆرۆنا، ئێستا پرسەکان لە ناو ماڵ و کۆڵانەکان دادەنرێن، ئەمەش لەگەڵ بنەماکانی خۆپارێزی لە ڤایرۆسی کۆرۆنا نایەتەوە و مەترسی بڵاوبوونەوەی ڤایرۆسه‌كه‌ زیاتر دەکات".

ئاماژه‌ به‌وه‌ش دراوه‌: "داواکارین ھاووڵاتییان لەو پەیامە تێبگەن کە قەرەباڵغی و کۆبوونەوەی زۆری خەڵکی مەترسیی بڵاوبوونەوەی ئەو ڤایرۆسە زیاتر دەکەن، کە تا ئێستا ناوچەکەمانی لێ بەدوورە".









باسنيوز