ژبەر ڤایرۆسێ كۆرۆنایێ بازارێ دهۆكێ هاته دەرمانكرن
نهعمان داود، بهرپرسێ تیمێن رهشاندنا دەرمانی ل رێڤهبهریا كارۆبارێن خوه پاراستنا ساخلهمیا دهۆكێ دیاركر: "ساخلهمیا دهۆكێ دگهل دام و دهزگههێن پهیوهندیدار حهفت تیم بۆ بهرههنگاریا نهخۆشیا كۆرۆنا پێك ئیناینه. ئهڤ تیم هاتینه بهلاڤكرن ل سنۆرێ ئاكرێ وشێخان وزاخۆ و ئامێدیێ وبهردهرش وههموو قهزا و ناحیێن دهۆكێ. ئهڤرۆكه ل ناڤ بازارێ دهۆكێ و پارك وجادهیێن دهۆكێ دەرمان ھاتە رهشاندن. ئهم هێڤیدارن وهلاتى ژى دگهل مهدا ههڤكار بن بۆ خوه پاراستنێ ژ نهخۆشیا كۆرۆنا، ئهم بهردهوام كاردكهین بۆ پاراستنا گیانێ وهلاتیان".
خۆیا ژى كر: "ل ههموو جهێن گشتى و قهرهبالغ دەرمان دهێنه رهشاندن و تافیلكرن داكو ژیانا خهلكێ مه پاراستى بیت. ئهڤ ههوا رهشاندنا دهرمانی ب ههماههنگی دگهل رێڤهبهریا ڤیتهرنهریا دهۆكێ و رێڤهبهریا بهرگیریا شارستانی هاته ئهنجامدان. دێ بهردهوام بن ههتا ئهڤ نهخۆشیا نهمینت".
باسنيوز
