قایمقامێ شنگال: 17 بیرێن ئاڤێ ل شنگال هاتینە تێكدان
مەحما خەلیل، قایمقامێ قەزا شنگال دیار كر كو: "17 بیرێن ئاڤێ یێن خەلكێ قەزا شنگال هاتینە تێكدان و وێرانكرن بتایبەتی ژی ل گوهبەل سەر ناحیا سنونێ ڤە. مە ناڤێن وان جۆتیاران ژی هەنە یێن بیرێن وان ئاڤێ هاتینە تێكدان. ئەڤ كارە ب شەڤێ دهێتە كرن ژلایێ چەكدارێن داعش ڤە ب رۆژێ ژی خوە دكەنە خەلكێ مەدەنی. بتایبەتی ژی ل گوندێن نێزیك سنۆرێ سوریا سنۆرێ ناحیا رەبیعە دا گەلەك مەترسیێ هەیە. مە داخاز كر كو بەغدا ئەركێ خوە رابیت رێگریێ ل هاتنا تیرۆرستێن داعش بكەت لێ هەتا نۆكە ئەڤ بابەت نەهاتیە چارەسەركرن ل قەزا شنگال".
خۆیا ژی كر كو دوور نینە كارەساتەكا مەزن ل شنگال دروست بیت. راستی ژی نۆكە كارتێكرنەكا مەزن ل سەر پێكڤە ژیانێ و ئاڤەدانیێ و زڤرینا خەلكێ شنگال هاتیە كرن ئاستەنگ بەردەوام ل شنگال دهێنە دروستكرن.
باسنيوز
