گوته‌بێژى وه‌زاره‌تى دارایی و ئابووریی حكوومه‌تى هه‌رێمى كوردستان، ڕاگه‌یاندراوێكى له‌باره‌ى مووچه‌ى فه‌رمانبه‌ران بڵاو كرده‌وه‌ و باس له‌وه‌ كراوه‌، دواى هه‌وڵێكى زۆرى سه‌رۆكى حكوومه‌تى هه‌رێمى كوردستان، كێشه‌ى دواكه‌وتنى مووچه‌ى فه‌رمانبه‌ران له‌ به‌غدا چاره‌سه‌ر كرا.

ئه‌مڕۆ دووشه‌ممه‌ 2/3/2020، ئه‌حمه‌د عه‌بدولڕه‌حمان، گوته‌بێژى وه‌زاره‌تى دارایی و ئابووریی حكوومه‌تى هه‌رێمى كوردستان ڕاگه‌یاندراوێكى بڵاو كرده‌وه‌، تێیدا هاتووه‌: "دواى هه‌وڵێكى زۆرى سه‌رۆكى حكوومه‌تى هه‌رێمى كوردستان و تیمى كورد له‌ به‌غدا و وه‌زیرى دارایی و ئابوورى، توانرا كێشه‌ى مووچه‌ى فه‌رمانبه‌ران له‌ به‌غدا چاره‌سه‌ر بكرێت".

له‌ ڕاگه‌یاندراوه‌كه‌دا مووچه‌خۆرانى هه‌رێمى كوردستان ئاگادار كراونه‌ته‌وه‌: "هه‌موو هه‌وڵێك ده‌ده‌ین بۆ ئه‌وه‌ى هه‌موو ئه‌و ئاسته‌نگانه‌ بۆ مانگه‌كانى داهاتوو چاره‌سه‌ر بكه‌ین".

ئه‌وه‌ش خراوه‌ته‌ ڕوو، سه‌ره‌ڕاى ئه‌وه‌ى ڕۆژى پێنجشه‌ممه‌ 5/3/2020 و ڕۆژى شه‌ممه‌ 7/3/2020 پشووى فه‌رمین، به‌ڵام بانكه‌ په‌یوه‌ندیداره‌كان به‌ دابه‌شكردنى مووچه‌ ده‌وام ده‌كه‌ن.













باسنيوز