به‌ڕێوبه‌رایه‌تى گشتى ته‌ندروستى گه‌رمیان ڕایدەگەیەنێت ژمارەی ئەو هاووڵاتییانەی لە کەلار خراونەتە ژێر چاودێرییەوە گەیشتووەتە ۱٦۸ هاووڵاتی و تا ئێستاش هی حاڵەتێکی گوماناوی کۆرۆنا تۆمارنەکراوە.

ئاماژە بە ئەوەش دراوە"لەماوەی ۲٤ کاتژمێری رابردوودا ۲ هاووڵاتى له‌ مه‌رزی په‌روێزخانه‌وه‌ گه‌ڕاونه‌ته‌وه‌ هەرێمی کوردستان و پاش پشكنینی سه‌ره‌تایی، ره‌وانه‌كراون بۆ گەره‌نتینه‌ى كه‌لار".

بەپێی ڕاگەیەندراوەکە "له‌نه‌خۆشخانه‌كانى گه‌رمیان، تائێستا هیچ حاڵه‌تێكى گوماناوی تۆمار نه‌كراوە و كۆی گشتى ئه‌وانه‌ى ئێستا له‌ کەرێنتینەدان گەیشتووەتە ۱٦۸ کەس".

جەخت لەوەکراوەتەوە "له‌و ماوه‌یه‌دا له‌ هه‌رچوار بازگه‌ى ده‌روازه‌ى گەرمیان به‌ دیوی ناوچه‌كانى تری عێراق (كفری، زینانه‌، شێخ له‌نگه‌ر و ساڵه‌ح ئاغا)، تیمی ته‌ندروستى تایبه‌ت جێگیر كراون و تیمەکان له‌ ۲٤ کاتژمێری رابردوودا پشكنینیان بۆ ۳ هەزار و ٤٦۳ هاووڵاتی کردووە".










باسنيوز