قایمقامێ دهۆكێ: ئهو جهێن سرا پانزینێ پهیداكرین دێ هێنه سزادان
جههوهر عهلى، قایمقامێ دهۆكێ دیار كر، ئهو ئاریشا ل پانزینخانێن شهڤا بۆرى ل پانزینخانێن دهۆكێ پهیدابووى دێ دووڤچوون ل سهر هێته كرن كو چو پانزینخانه بهرههمێ خوه نه ڤهشێریت و بهایێ پانزینێ نههێته گرانكرن و ههروهسا دێ دووڤچوون ل سهر كوالێتیا پانزینێ هێته كرن، بۆ هندێ پانزینهكا پاقژ بگههیته هاوولاتیان.
ئاشكرا ژى كر كو چو دهرگههێن سنوورى یێن ههرێمێ ناهێنه داخستن ههتا قهیران پهیدا ببن، بهلكو سیستهمێ وان دێ هێته رێكخستن.
جههوهر عهلى ئاماژه دا وێ چهندێ كو ههموو بهرههڤى هاتینه كرن بۆ خوهپاراستنا هاوولاتیان ژ ڤایرۆسێ كۆرۆنا و لیژنێن مه بهردهوام دووڤچوونێ ل سهر بازارى ژى دكهن و ههتا نوكه 12 جهـ هاتینه سزادان، سێ دهرمانخانه هاتینه داخستن و پێنچ دهرمانخانه هاتینه سزادان ب پارهى و چوار جهێن پزیشكیێ هاتینه داخستن و سزادان.
باسنيوز
