دوای ئەوەی ئێوارەی ئەمڕۆ بە بڕیاری ئەنجوومەنی وەزیران سنوورەکانی هەرێمی کوردستان لەگەڵ ئێران داخران، بەشێکی زۆر لە شۆفێرانی سنووری سلێمانی روویان لە وێستگەکانی سووتەمەنی کردووە و "ترسیان لە نەمانی سووتەمەنی هەیە"، بەڕێوەبەری نەوت و کانزاکانی سلێمانیش دڵنیایی دەدات.

محەممەد حەسیب، بەڕێوەبەری نەوت و کانزاکانی سلێمانی راگەیاند، داخستنی سنوور لەگەڵ ئێران هیچ کێشەیەک بۆ بوونی بەنزین لە هەرێمی کوردستان دروستناکات.

محەممەد حەسیب، ئاماژەی بەوەشکرد، تانکەری ئێران تاوەکو سنوور دێت و لەوێوە تانکەری هەرێمی کوردستان بەنزین دەهێننە ناو هەرێمی کوردستانەوە.


هاونیشتمانییان لە سنووری شارەزوور، هەڵەبجە، سلێمانی، هەولێر، ئیدارەی گەرمیان و راپەڕین قەرەباڵخییەکی زۆریان لەسەر بەنزینخانەکان دروستکردووە.