سەرۆک بارزانی، بە بۆنەی کۆچی دوایی "محەمەد حەسەن محەمەد حاجی" برووسکەیەکی سەرەخۆشیی ئاراستەی بنەماڵە و کەسوکاری کردووە.


دەقی برووسکەکە:

بەناوی خودای بەخشندە و میهرەبان

بۆ خانەوادەی خوالێخۆشبوو محەمەد حەسەن محەمەد حاجی (ئەبو دژۆ)

بەداخێکی زۆرەوە هەواڵی کۆچی دوایی کەسایەتی نیشتیمانپەروەر و پێشمەرگەی قارەمان و فەرماندەی لیوای هەشتی وەزارەتی پێشمەرگە، محەمەد حەسەن محەمەد حاجی ناوسراو بە (ئەبو دژۆ)مان پێگەیشت.

سەرەخۆشیی خۆم ئاراستەی ئێوە و کەسوکار و ئاشنایانتان دەکەم و خۆم بە هاوبەشی خەمتان دەزانم. لە خودای گەورە داواکارم خوالێخۆشبوو بە بەهەشتی بەرین شاد بکات و سەبر ئارامیی بە هەموو ڵایەک ببەخشێت.

إنا لله وإنا إليه راجعون





مسعود بارزانی

٢٤ـی ٢ـی ٢٠٢٠









باسنيوز