لە ناحیەی هەریری سەر بە قەزای شەقڵاوە لە سنووری پارێزگای هەولێر باوک و کوڕێک کوژان، بەڕێوەبەری ناحیەکەش دەڵێت: رووداوەکە بەهۆی کێشەیەکی کۆمەڵایەتییەوە بووە.

حامد ئیسماعیل، بەڕێوەبەری ناحیەی هەریر راگەیاند: "ئێوارەی ئەمڕۆ شەممە 22-2-2020، لەسەر کێشەیەکی کۆمەڵایەتی کەسێک خەزوور و کوڕە خەزوورەکەی کوشتوون، کە دەکاتە برازا و ئامۆزای کوژراوەکان".

حامد ئیسماعیل گوتی، هێزەکانی پۆلیس و ئاسایش چوونەتە نەخۆشخانە و شوێنی رووداوەکە و لێکۆڵینەوەیان لە رووداوەکە دەستپێکردووە. گەڕانیش بۆ دەستگیرکردنی تۆمەتبارەکە دەستیپێکردووە.

ھەریر یەکێکە لە شارۆچکەکانی باشووری کوردستان و دەکەوێتە سنووری قەزای شەقڵاوە لە پارێزگای ھەولێر.