ئەندامێکی شاندی دانوستانکاری هەرێمی کوردستان لەگەڵ کاندیدی ڕاسپێردراو بۆ پێکهێنانی کابینەی نوێی حکوومەتی عێراق ئاشکرای کرد کە کۆبوونەوەکەیان لەگەڵ محەمەد تۆفیق عەلاوی تائێستا ئەرێنییە.
دكتۆر عەرەفات ستونی، ئەندامی شاندی دانوستانکاری هەرێمی کوردستان کە ئێستا لەگەڵ محەمەد تۆفیق عەلاوی، کاندیدی ڕاسپێردراو بۆ پێکهێنانی کابینەی نوێی عێراق لە کۆبوونەوەدان، راگەیاند، گفتوگۆکانی ئێستایان لەبارەی مافە دەستووری و دارایی و سیاسییەکانی هەرێمی کوردستانە.

ئەوەشی ئاشکرا کرد کە ”گفتوگۆکانمان ئەمڕۆ ئاراستەیەکی باشیان ھەیە و بەرەو چارەسەری کێشەکان هەنگاو دەنێن“.