بەهۆی رووداوێکی هاتووچۆ لە چەمچەماڵ دوو پێشمەرگە گیانیان لەدەستدا
پێشمەرگەکان سەر بە فەرماندەیی گەرمیانن لە هێزەکانی 80، عیرفان حەمە خان، فەرماندەی فەرماندەیی هێزەکانی گەرمیان راگەیاند، ئەو پێشمەرگانە لەکاتی گەڕانەوەیان بۆ دەوامی خۆیان، لە نزیک بنکەی مەشق و راهێنانی مەنیلە لە رێگەی چەمچەماڵ - سەنگاو تووشی رووداوی هاتووچۆ بوونە.
ئەوانەی گیانیان لەدەستداوە ناویان مەسعود رەحمان رەحیم و مستەفا عەزیز وەلی ـن کە هەردووکیان خەڵکی قەزای کەلارن و
ئەو پێشمەرگەیەی کە برینداریش بووە، ناوی محەممەد سەباح ـە و خەڵکی خانەقینە. تەرمی ئەوانەی گیانیان لەدەستداوە بۆ پزیشکی دادی کەلار گوێزراونەتەوە و بریندارەکەش رەوانەی نەخۆشخانە کراوە.
