هێزێكی ئەمنیی عێراقی، بە بیانووی پشكنین، هەڵدەكوتنە سەر بەشێك لە ماڵانی سنووری دوو گەڕەكی كوردنشینی شارەكە،.

درەنگانی شەوی دووشەممەی رابردوو 17/2/2020، هێزێكی لیوای 61ی سەر بە حكوومەتی عێراق هەڵیانكوتاوەتە سەر ژمارەیەكی بەرچاو لە ماڵانی هەردوو گەڕەكی "شۆریجە و پەنجا عەلی"ی شاری كەركووك کە هەردووکیان کوردنشینن.

ئەوەش زانراوە، ئەو هەڵمەتە بە بیانووی پشكنینی ماڵان و دەستبەسەرداگرتنی چەك کراوە و شێوازی پشكنینەكانیان و هەڵكوتانە سەر ئەو ماڵانە نیگەرانی لای دانیشتوانی ماڵەكان دروست كردووە.

لە 16ی ئۆكتۆبەری 2017 كەركووك بە رێككەوتن لەگەڵ گرووپێكی خیانەتكار داگیر كرا و لەو كاتەوە جگە نالەباریی دۆخی ئەمنی، ناوە ناوە هێزە ئەمنییە عێراقییەكان بە بیانووی پشكنین هەڵدەكوتنە سەر ماڵانی گەڕەكە جیاجیاكان كوردییەكان بەتایبەت لە درەنگانی شەودا.











باسنيوز