بەرپرسێ‌ راگەهاندنا بۆردێ‌ كارۆبارێن مرۆڤایەتی ل پارێزگەها دهۆكێ‌ ئەو دەنگۆیە رەتكرن د ڤێ‌ سەرمایا زڤستانێ‌ دا هیچ ئاوارە و پەنابەرەكی ژ سەرمادا گیانێ‌ خوە ژ دەست دابیت و ئاشكرا كر كو بەری هاتنا سارمایێ‌ بەرهەڤی هاتبوونە كرن و ئاوارە و پەنابەر هاتبوونە پاراستن.

سالم سەعید، بەرپرسێ‌ راگەهاندنا بۆردێ‌ كارۆبارێن مرۆڤایەتی ل پارێزگەها دهۆكێ‌ دیار كر: "د سۆشیال میدیایێدا و هندەك دەزگەهێن راگەهاندنێدا هۆسا بەلاڤ ببوو كو د ڤێ‌ سەرمایا حەفتیا بۆریدا ب سەر پارێزگەها دهۆكێدا هاتی، هندەك پەنابەر، یان ئاوارەیان ژ سەرمادا گیانێ‌ خوە ژ دەست دایە، بەلێ‌ ئەم دووپات دكەین كو چو راستی بۆ وان ئاخفتنان نینن و ب تنێ‌ گۆتگۆتكن و بەری هاتنا بەفرێ‌ و سەرمایێ‌ هەموو بەرهەڤیێن سڕ و سارمایێ‌ هاتبوونە كرن".

ئاشكرا ژی كر كو: "ب دوو قۆناغان نەفتا سپی ل سەر ئاوارەیان هاتبوو دابەشكرن و خیڤەتێن هەموو ئاوارەیان هاتبوونە گوهۆرین و 480 دۆلار بۆ هەر خێزانەكا پەنابەر و 200 دۆلار بۆ هەر خێزانەكا ئاوارە هاتبوونە دان بۆ هندێ‌ بشێن وەرزێ‌ زڤستانێ‌ ب سلامەتی دەرباز بكەن".













باسنیوز