كرمانج عزه‌ت، قایمقامی قه‌زای سۆران رایگه‌یاند، رێگه‌ی هه‌ولێر - سۆران، سۆران - حاجی ئۆمه‌ران داخراوه‌ و هاتوچۆ له‌و رێگایه‌ په‌كی كه‌وتووه‌.

له‌ لێدوانێكدا قایمقامی قه‌زای سۆران هاووڵاتیان و شۆفێران ئاگادار ده‌كاته‌وه‌، به‌هۆی بارینی به‌فرێكی زۆر رێگایه‌ داخراوه‌ و به‌كارهێنانی مه‌ترسیداره‌.

هه‌روه‌ها گوتی: هه‌رچه‌ند تیمه‌كانی به‌رگری شارستانی له‌ راماڵینی رێگاكان به‌رده‌وامن، به‌ڵام به‌هۆی به‌رده‌وامی به‌فربارین، ناتوانرێت رێگاكان به‌ته‌واوی له‌ به‌فر رابماڵرێن.

داواش له‌ هاووڵاتیان و شۆفێران ده‌كات، به‌هیچ شێوه‌یه‌ك ئه‌و رێگایه‌ به‌كارنه‌هێنن.