بەهۆی بەفربارینەوە ژیانی ئاوارەکان قورس بووە، کەمپی ئاوارەکانی دهۆک بەفر و سەرمایەکی زۆر گرتوویەتییەوە و ئاوارەکانی شنگال سکاڵا دەکەن و باس لەوە دەکەن کە ئەوەندە نەوتیان نییە خێوەتەکانیانی پێ گەرمکەن.

لە کەمپی شەریا 16 هەزار و 600 ئاوارە لەناو چوار هەزار خێوەتدا دەژین و باس لەوە دەکەن کە ئەو خزمەتگوزارییانەی بۆیان دابیندەکرێت بەس نییە.

لە سنووری پارێزگای دهۆک نزیکەی 620 هەزار ئاوارە و پەنابەری ناوەوە و دەرەوە هەن کە لە 22 کەمپدا جێگیرکراون و دەژین.