بریكارێ میری ئێزدیان بۆ كارۆبارێن پەیوەندیان دیار كر كو چیكرنا كەمپەكی ل نێزیك شنگال و زومار بۆ ڤەگەریانا خیزانێن داعش مەترسیەكا مەزن ل سەر ئێزدیان و رەوشا ئەمنی وان دەڤەران دروست دكەت.

میر جەهوەر عەلی بەگ، بریكارێ میری ئێزدیان بۆ كارۆبارێن پەیوەندیان دیار كر كو: "ب توندی ئەم ڤی كار چیكرنا كەمپەكی ل نێزیك زومار و شنگال و رەبیعە بۆ ڤەگەریانا خێزانیێن داعش ژ كەمپا هۆلی بۆ كەمپا ل زومار دهێتە چیكرن ریسوا دكەین ئەم ناخوازن حكومەتا عێراقی ب تایبەتی ژی وەزارەتا كوچ و كوچبەران وی كەمپی دروست بكەت، چونكو دەستی وان خیزانیێن داعش دكوشتن و رەڤاندنا كچ وژن و زارۆیێن ئێزدی دا هەیە پێدڤیە حكومەتا عێراقی وان خیزانان سزابدەت نەكو ژ سوریا ڤەگەرینە عێراقی پتر مەترسیی ل سەر رەوشا خەلكی مە دروست بكەن".

خۆیاژی كر كو: "هەر كارەكی بۆ هەڤكاری و پشتەڤانیا زڤرینا داعشا بهێتە كرن، ئەم دژی وی كاری نە و نابیت بەغدا پینگاڤێن زڤرینا داعشا بۆ شنگال بهاڤیژت و ئەم داخازی ژ حكومەتا هەرێما كوردستانێ‌ و نەتەوەیێن ئیكگرتی و هەموو سازیێن مافی مرۆڤێ دكەین ریگریێ‌ ل چێكرنا وی كەمپی بكەن، چونكو زڤرینا وان خیزانێن داعش، ژیانا ئێزدیان پتر دئێختە مەترسیدا".












باسنیوز