بەپێی زانیاریی میدیاکانی تورکیا، شەوی ڕابردوو لە شارێکی سەر بە پارێزگای مێردین، لە باکووری کوردستان ئاگر لە ماڵێک بەر بووە و تێیدا دایکێک و سێ منداڵی گیانیان لەدەست داوە.

بەپێی زانیارییەکان ڕووداوی ئاگرکەوتنەوەکە لە شاری "شەمرەخ"ی سەر بە پارێزگای مێردین بووە و تێیدا ژنێک و سێ منداڵ گیانیان لەدەست داوە.

زانیارییەکان باس لەوە دەکەن ناوی ئەو قوربانییانەی لەو ڕووداوەدا گیانیان لەدەست داوەبریتین لە: "نیسان تور تەمەن 34 ساڵ، و لۆرین، میران و ئەجرین" کە تەمەنیان لە نێوان یەک ساڵ هەتا حەوت ساڵدا بووە.

بەپێی زانیارییەکان، لە کاتی ڕووداوی ئاگرکەوتنەوەکەدا هاوسەری ئەو ژنە لە ماڵ نەبووە.

هەتا ئێستا هۆکاری ئاگرکەوتنەوە لەو ماڵە ڕوون نەبووەتەوە و لایەنە پەیوەندیدارەکانی پۆلیس دەستیان بە لێکۆڵینەوە لەو ڕووداوە کردووە.

ساڵانە ڕووداوەکانی ئاگربەربوون لە ماڵان و تەقینی غازی ماڵان لە وەرزەکانی زستان و سەرمادا لە ناوچە کوێستانییەکان و بەتایبەت باکوور و ڕۆژهەڵاتی کوردستان زۆرتر ڕوو دەدەن.












باسنيوز