پشتى نیڤرۆ یا ئه‌ڤرۆ رۆژا شه‌مبى رێكه‌فتى ژ ئه‌گه‌رێ هاتنا پێله‌كا به‌فر و بارانێ ل سنورێ قه‌زا ئامێدیێ، جاددا سه‌ره‌كى یا قه‌زا ئامێدیێ بو سه‌نته‌رێ باژێرێ دهۆكێ ژ ئه‌گه‌رێ بارینا به‌فرا زور، هات گرتن.

په‌یامنێرێ باسینوز، ئاماژه‌ ب وێ چه‌ندێ دا پشتى نیڤرۆ یا ئه‌ڤرۆ ل نێزیكى ده‌ڤه‌را (سواره‌توكا) ل سه‌ جادا سه‌ره‌كى یا قه‌زا ئامێدیێ بو دهۆكێ پێله‌كا دژوار یا به‌فرێ باریه‌ و د ئه‌نجام دا جاددا سه‌ره‌كى یا قه‌زا ئامێدیێ بو دهۆكێ هات گرتن.

گۆتژی ژ به‌ر كو ئه‌و جاددا به‌فرێ لێ بارى و بویه‌ ئه‌گه‌رێ گرتنا رێكێ جادده‌كا سه‌ره‌كى یه‌ بو سه‌رانسه‌رى قه‌زا ئامێدیێ و به‌ره‌ڤ سه‌نته‌رێ دهۆكێ ڤه‌ دچیت، له‌ورا زێده‌تر ژ (20) ترۆمبێلان د ناڤا به‌فرێ دا ئاسێ مانه‌ و د هه‌مان ده‌م دا تیمێن رامالینا به‌فرێ قه‌ستا ئه‌وان جهان كریه‌ تا كو رێك بو شوفێران بهێت ڤه‌كرن و جاره‌ك دى هاتن و چوون ئاسایى ببیت.









باسنيوز