بەپێی زانیارییەكان، هێزێكی پۆلیسی فیدڕاڵی عێراق، هەڵمەتێكی پشكنینیان لە گوندی (مەنسوریە)ی سەر بە پارێزگای كەركووك ئەنجام دا.

ئەوەش زانراوە، لە ئەنجامدا لەو گوندە دەست بەسەر 47 بۆمبی چێندراوی داعشدا گیراوە و پاشان بۆمبە چێندراوەكان لەلایەن ئەندازەی مەیدانی پۆلیسی فیدڕاڵی عێراقەوە تەقێنرانەوە.

هەر بەپێی زانیارییەكان جموجۆڵی داعش لە قەزاكانی "دووبز و حەویجە و داقووق"ی سەر بە كەركووك بەردەوامە و بەتایبەت لە شەواندا هێرش دەكەنە سەر هێزە ئەمنییە عێراقییەكان و گوندەكانی دەوروبەری كەركووك كە دواهەمینیان ڕفاندنی دوو هاووڵاتیی سنووری ناحیەی ریازی سەر بە كەركووك بوو و پاشان تەرمەكانیان دۆزرایەوە.

لە 16ی ئۆكتۆبەری 2017 كەركووك بە رێككەوتن لەگەڵ گرووپێكی خیانەتكار ڕادەستی حەشدی شەعبی كرا و لەو كاتەوە جگە لە خراپیی دۆخی ئەمنی، جموجۆڵی داعشیش لە سنووری پارێزگاكە زیاد كردووە.









باسنیوز