ئه‌مڕۆ چوارشه‌ممه ‌(5|2|2020) له‌ قه‌زای پێنجوێن، له‌لایه‌ن سه‌نته‌ری په‌ره‌پێدانی گه‌نجانی پێنجوێن و به‌ڕێوه‌به‌رایه‌تیی گشتیی گه‌شتوگوزاری سلێمانییەوە، فێستیڤاڵی "هه‌فته‌ی سپی" ساز كرا، كه‌ تایبه‌ته‌ بوو بە‌ وه‌رزشی خلیسكانێی سه‌ر به‌فر.

خالید محه‌مه‌د، به‌ڕێوه‌به‌ری سه‌نته‌ری په‌ره‌پێدانی گه‌نجانی پێنجوێن، لەمبارەوە ڕاگه‌یاند: "ڤێستیفاڵی هه‌فته‌ی سپی، فێستیڤاڵێكی ساڵانه‌یه‌ و تایبه‌ته‌ به‌ وه‌رزشی خلیسكانێی سه‌ر به‌فر و له‌م وه‌رزه‌دا ئه‌نجامی ده‌ده‌ین و ئه‌مساڵیش بۆ شەشەمین ساڵە کە فێستیڤاڵه‌كه‌ به‌ڕێوه ‌دەچێت"

ڕوونیشی كرده‌وه‌: "ئامانج له‌ ئه‌نجامدانی فێستیڤاڵه‌كه‌ گرنگیدانه‌ به‌ وه‌رزشی خلیسكانێی سەر بەفر و بۆ به‌شداریكردنیش له‌ فێستیڤاڵه‌كه‌ ڕۆژانه‌ فێرخوازان و خه‌ڵك سه‌ردانی ئێره‌ ده‌كه‌ن و ماوه‌ی هه‌فته‌یه‌ك ده‌خایه‌نێت".




باسنيوز