لە گەڕەکێکی شاری سلێمانی پیاوێک خۆی و ژنەکەی و خەسوی دەکوژێت و پۆلیسیش زانیاری لەمبارەیەوە دەخاتە روو.

نەقیب سەرکەوت ئەحمەد، گوتەبێژی پۆلیسی سلێمانی ڕایگەیاند: "کەمێک پێش ئێستا لە گەڕەکی هەواری شار پیاوێک خۆی و ژنەکەی و خەسوی دەکوژێت، سەرەتا پیاوەکە ژنەکەی کوشتووە، دواتر خەسوو و خۆیشی کوشتووە".

گوتیشی: "تاکو ئێستا ھۆکاری ڕووداوەکە نەزانراوە و هێزەکانی پۆلیس گەیشتوونەتە شوێنی رووداوەکە و لێکۆڵینەوە دەستیپێکردووە".

ئەوەشی خستەڕوو، تیمەکانی بەڵگەی تاوان لەشوێنی ڕووداوەکەدان و لێکۆڵینەوەی ورد لە ھۆکاری ڕووداوەکە دەستی پێکردووە.












باسنیوز