فەرماندەكی‌ پێشمەرگەه ل شنگال دیار كر دەمێ‌ كەسێن ئێزدی ب بۆردومانكرنا فرۆكەیێن توركیا دهێنە كوشتن ئەو گرۆپ ولایەنێن نەیاسایی ل شنگال ئێكسەر ئاشكرا دكەن و دەمێ‌ كەسێن بیانی‌ یێن گرێدایێ‌ وان ناڤ شنگال دا دهێنە كوشتن ئاشكرا ناكەن داكو بێژن بتنێ‌ ئێزدی نە ل شنگال و فرۆكەیێن توركیا وان دكەنە ئارمانج.

قاسم دەربۆ، فەرماندێ پێشمەرگەهی‌ ل شنگال دیار كر كو: “گرۆپێن چەكدار بارەگایێن خوە دبەنە ناڤ مالێن خەلكێ‌ سڤیل دا هەكە فرۆكەیێن توركیا بۆردومان بكەت دا بێژن فرۆكەیێن توركیا خەلكێ‌ سڤیل شنگال دكەنە ئارمانج. مەرەما وان ئەوە بێژنە خەلكێ‌ بتنێ فرۆكەیێن دەولەتا توركیا ئێزدی دكوشت. ئەرێ بۆچی فرۆكەیێن توركیا تەلەعفەر و مووسل بۆردومان ناكەن! بوچی شنگال بۆردومان دكەن چونكو بنگەه و بارەگایێن وان ل تەلەعفەر و مووسل نینن، لەورا ناهێنە بۆردومانكرن. ل شنگال بنگەه و بارەگایێن گرۆپ و لایەنێن نەقانوونی هەنە لەورا شنگال دهێتە بۆردومان كرن".

خۆیا ژی كر: "پشتی دووگرێ هاتیە بۆردومانكرن بەری چەند رۆژان وان گرۆپ ولایەنێن نەیاسایی‌ ل شنگال دەست ب پلانەكا نوو كریە ئەو ژی بنگەه و بارەگایێن خوە نیزیكی خەلكێ‌ سڤیل دكەن و هژمارا چەكدارێن خوە ژی كێم كرینە دناڤ بنگەه و بارەگایێن خوە دا".













باسنیوز