بەڕێوەبەرایەتیی گشتی تەندروستیی گەرمیان، گرتنەبەری ڕێوشوێنی پێویست بۆ ڕووبەڕووبوونەوەی ڤایرۆسی كۆرۆنا لەسنوووری ئیدارەی گەرمیان ڕادەگەیەنێت.

بەڕێوەبەرایەتیی گشتیی تەندروستیی گەرمیان، لە ڕاگەیەندراوێكدا، ڕای گەیاندووە: "بەمەبەستی ئامادەكاری و گرتنەبەری ڕێوشوێنی پێویست بۆ ڕووبەڕووبوونەوەی ڤایرۆسی كۆرۆنا، بەڕێوەبەری گشتیی تەندروستیی گەرمیان لەگەڵ بەڕێوەبەری مەڵبەندە تەندروستییەكانی سنوورەكە كۆ بووەتەوە".

بەپێی ڕاگەیەندراوەكە "كۆبوونەوەكە بۆ خستنەڕووی بڕیار و ڕێنماییەكانی وەزارەتی تەندروستیی حكوومەتی هەرێمی كوردستان بووە بۆ خۆپارێزی و ڕووبەڕووبوونەوەی ڤایرۆسەكە".

لە ڕاگەیەندراوەكەدا ئاماژە بەوەش دراوە: "لە كۆبوونەوەكەدا باس لەوە كراوە ڕێنمایی پێویست بدرێت بە هاووڵاتیان لە كاتی سەردانكردنیاندا بۆ مەڵبەندە تەندروستییەكان، لەڕووی خۆپاراستنیان لە ڤایرۆسەكە و پابەندبوون بە ڕێنماییە تەندروستییەكان و لەو ڕووەشەوە لە ناوەندەكانی خوێندندا هەڵمەتی هۆشیاری ئەنجام دەدرێت".










باسنيوز