ژمارەیەک چەکدار هەرەشەی سووتاندنی کۆمپانیایەک لە باشووری بەغدای پایتەختی عێراق، دەکەن.

ماڵپەڕی (سۆمەرییە نیوز) لە زاری سەرچاوەیەکی ئەمنیی عێراقی بڵاوی کردووەتەوە، کە چەکدارەکان هەڕەشەی سووتاندنی کۆمپانیای ئەندازیاری بۆ پیشەسازییە کارەباییەکانیان داوە.

سەرچاوەکە ژمارەی چەکدارەکان و هۆکاری هەڕەشەکەیان بە سووتاندنی کۆمپانیاکە، ئاشکرا نەکردووە.

بەهۆی ناکارایی هێزە ئەمنی و سەربازییەکانی عێراق، دەیان گرووپ و میلیشیای چەکداریی توندڕەو، تاوانکاری و تیرۆریستی لە بەغدا و شارەکانی دیکەی ئەو وڵاتە بڵاو بوونەتەوە، کە بە ئارەزووی خۆیان و بەپێی بەرژەوەندیی ئەو لایەنەی کاری بۆ دەکەن، کردەی تاوانکاری و تیرۆریستی ئەنجام دەدەن.










باسنيوز