میرێ ئێزدیان: ژبەر گرۆپێن نەقانوونی خەلكێ شنگال چو خۆشی نەدیتنە
میر داسن میر فاروق بەگ، ژ بنەمالا میرێن ئێزدیان دیار كر كو: "ئەڤە چەند سالن چەند گرۆپ ولایەنێن سیاسی دەست ب سەر شنگال دا گرتینە. هەتا نۆكە وان گرۆپ و لایەنێن سیاسی نەشیاینە هیچ خزمەتەكێ بۆ شنگال ئەمجام بدەن. ئەم دخوازین هەموو خەلكێ مە بنە ئێك دەست وئێك رێز پێخەمەت پاراستنا بەرژوەندیا مللەتی و ئاڤەدانیا شنگال. ئەم دخوازین ململانا سیاسی ل شنگال نەمینت چونكو ئەڤ ململانا سیاسی دبەرژوەندیا گرۆپ ولایەنێن سیاسی یێن نە قانوونی دا وهیچ تشتەك بەرژوەندیا ئێزدیاندا نینە، بتنێ كارێن تێكدانێ نها ل شنگال دهێنە كرن".
خۆیا ژی كر كو: "هەتا هێزێن پێشمەرگەهێ كوردستانێ و پارتی دیموكراتی كوردستان نەزڤرتە شنگال ئێزدی نازڤرنە شنگال چونكو بتنێ پارتی خۆدانێ ئێزدیان وبەرەڤانی ژ مافێن ئێزدیان كریە. نۆكە ژی خەلك چاڤەرێنە لقا پارتی بزڤرتە شنگال و تەناهی ل شنگال دروست بیت داكو دەست ب ئاڤەدانی و ژیانێ ل شنگال بهێتە كرن".
باسنیوز
