فارس عیسا، سەرۆکی نوێنەرایەتیی حکوومەتی ھەرێمی کوردستان لە بەغدا رايگەیاند: "ئەو شاندەی دوێنێ لە ھەرێمی کوردستانەوە سەردانی بەغدای کرد، چەند کێشەیەکی سنووری ماددەی١٤٠ی لەگەڵ بەرپرسانی حکوومەتی عێراق خستووەتە بەرباس و گفتوگۆیان لەبارەوە کردووە".

لەبارەی کێشەی زەویی جووتیاران و کێشەکان لە سنووری ماددەی١٤٠ فارس عیسا، گوتیشی: "وەزارەتی دادی عێراق و دادگای باڵای عێراق بۆ بەدواداچونی ئەو کێشانە، لیژنەیەکیان پێک ھێناوە".

سەرۆکی نوێنەرایەتیی حکوومەتی ھەرێمی کوردستان ئاماژەی بەوەش کرد: "سەرجەم ئەو زەوییانەی لەلایەن عەرەبە ھاوردەکانەوە دەستیان بەسەر گیراوە، بڕیارەکەیان ھەڵدەوەشێندرێتەوە و رێگریش دەکرێت لە داگیرکردنی زەویی جووتیاران".

داوی رووداوەکانی ١٦ی ئۆکتۆبەر، ھەڵمەتی داگیرکردنی زەویی جووتیارانی کورد لە سنووری ماددەی١٤ لەلایەن عەرەبی ھاوردەوە و بە ھاوکاریی سوپای عێراق و لە پارێزگای کەرکووک بە فەرمانی ڕاکان جبووری دەستی پێ کردووە.












باسنيوز