ل دهۆكێ سالانە 186 ملیۆن و 296 هزار هێك دهێنە بەرهەمهینان
جەمیل موبارەك، بەرپرسێ هۆبا پەلاوەران رێڤەبەریا سامانێن ئاژەلی ل دهۆكێ دیار كر كو: “بەهرا پترا هێكا ژ پرۆژێ دەڤەرا سێمێل دهێنە بەرهەمهینان وبەرهەمێ وی گەلەك باشە وهەكە هەمبەركرنەكێ دگەل هێكا بیانی ژی بكەین سەنگا هێكا خۆمالی یا پرۆژەێن دهۆكێ گەلەك باشتر ژ سەنگا هێكا بیانی یە. رەنگە سەنگا هێكا مە بگەهتە هەتا حەفتێ غەرامی، یا بیانی رەنگە 55 غەرامی هەتا 60 غرامی بیت. لەورا هێكا خۆمالی یا پرۆژێن مە باشترە هەتا ژی تاما وێ ژی گەلەك یا خۆشە".
خۆیا ژی كركو هێكا مە ساخلەمترە ژی وخەلكێ مە ژی پتر حەز ل خارنا هێكا خۆمالی هەیە. هەكە بەرهەمێ خۆمالی یێ هێكا بهێتە زێدەكرن دێ تێرا بەرهەمی ناڤخۆیی كەت لێ هێكا مە بۆ پارێزگەهێن دی یێن عێراقێ دهێتە رەوانەكرن".
باسنیوز
