سەرۆکی لیژنه‌ى كاروبارى شه‌هیدان و جینۆساید و زیندانیانی سیاسی لە پەرلەمانی کوردستان، رای دەگەیەنێت تا ئێستا بەتەواوەتی نازانرێت مۆنۆمێنتەکانی شەھیدان سەر بە کام وەزارەت و دامودەزگای حکوومەتن و پێوستە بخرێنە سەر یەک وەزارەت، یان بەڕێوەبەرایەتییەکی تایبەتیان بۆ دابمەزرێت.

سەوسەن محمەد، سەرۆکی لیژنەی شەھیدان لە پەرلەمانی کوردستان رایگەیاند: "لیژنەکەمان بە دواداچوون بۆ کێشەی مۆنۆمێنتەکان دەکات کە بەشێکیان پشتگوێ خراون."

سەرۆکی لیژنەکە گوتیشی: "مۆنۆمێنتی شەھیدان لە شار و شارۆچکەکانی سەر بە وەزارەت، یان دامەزراوەیەکی دیاریکراو نین و پێوستە بخرێنە سەر یەک وەزارەت، یان بەڕێوەبەرایەتییەکی تایبەتیان بۆ دابمەزرێت".

سەوسەن محەمەد گوتیشی: "لیژنەی شەھیدانی پەرلەمان‌ بڕیاری داوە سه‌رجه‌م مۆنۆمێنته‌كانى هه‌رێمى كوردستان و به‌ڕێوه‌به‌رایه‌تییه‌ گشتییه‌كانى شه‌هیدان و ئه‌نفالكراوان و زیندانیانى سیاسى به‌سه‌ر بكاته‌وه‌ بۆ ئه‌وه‌ى له‌ نزیكه‌وه‌ ئاگادارى كێشه ‌و گرفته‌كانیان بن".














باسنیوز